Como nun tengo oficiu nin beneficiu claros, dedícome a poner clases particulares. Entamé a facelo casi como un favor y dempués de dos años llargos ta costándome un triunfu enfrentame cola bestia parda que teo por escolín. Nun ye que seya un mal guah.e -val, buenun nun ye tampoco...-, pero zote... pocos debe d'haber como él -o eso quiero creyer pol bien del país-.

El casu ye qu'esti branu -como l'anterior- dexó hestoria y xeografía pa setiembre. Nihil novum sub sole, nun vos preocupar, qu'al chaval lo de chapar nun-y va y como esta va d'eso pues diz que ye que-y cuesta. Magar que lo esperable ye que me quexare de los conteníos de la parte d'hestoria -qué nacionaliegu ye esti llibru, qué partidista, s'esperaba que dixere-, nesta parte nun atopo quexa dala. Teo de reconocer qu'esti añu aprendí cosuques que na mio época nun se víen, ¿qué sabía yo fai...años... quién yera Frenán González o Wilfredo el Velloso? ¿cómo diba a pensar qu'en cada tema hubiera una pregunta dedidaca a la vida les muyeres? -otra cosa ye que'l proferosr, por llamalu daqué, d'esti futuru ser pensante que ye'l mio escolín diga que nun s'estudia y que nun entra pal esame...-.

La cosa ye -que me pierdo- que na parte de xeografía quedo ablucada, y eso que yo de xeografía sé cuatro cosuques más que básiques y d'ehí nun salgo. Pero, anque na más seya por lóxica, si yo veo que hai un país nomáu Corea del Sur espero qu'apaeza otru que se llame Cora del Norte. ¡Pero non! Nos apuntes de la llibreta nun apaez. Podríemos pensar que'l guah.e taba na lluna de Valencia nel momentu que'l personax al que hai que tratar de "profesor" dictaba y taríemos erraos, porque los apuntes son fotocopies pegaes na llibreta -nun vayan cansar los guah.es de tanto copiar-. "¡Nun pienses mal, Ms Shirley! Foi casualidá que'l país que falte seya'l anticapitalista. Que Cuba ta y tamién Venezuela". Quien nun debía de tar a lo que se celebraba, polo visto, yera quien fizo los apuntes. Pero -¡ay mamina!- eso yera solo l'aperitivu, el platu fuerte topábase al llegar a África y ponenos a estudiar la población y ver "Razas". ¿Cómo? ¿Hai un epígrafe que se titula "Razas"? ¿Y esto solo n'África? N'Europa, Améria y Asia ¿non? -teo de dicir qu'Oceanía desapaeció del temariu, tovía nun sé si porque la tragó un maremoto al estilu de l'Atlántida o porque nun ye "importante" bastantina pa'l "docente"-.

"Nada, a ver qué nos cuenta'l Señor Profesor" - porque sí, ye un señor y polo visto de la vieya escuela-, pienso distrayía mientres preparo l'esquemina (¿qué pasa? ¡¡Soi una profesora perbona que fai esquimines y xuegos pal seya más fácil!!. Y lo que topé foi que n'África hai dos races -¿solo dos?-: la raza blanca y la raza negra. Dientro la raza blanca que s'atopa al norte -¡minipuntu pal profe!- métenos a los semites (árabes y xudíos), a los camites -mai sentinti!- (bereberes exicios y del Atles y los tuareg del desiertu) y a los hamites -soi una inculta de la vida... yá lo anunciare- (etíopes d'Abisinia y Somalia). Y dientro la raza negra atopamos "dos grandes grupos étnicos": unu d'orixe PREHESTÓRICU (que son los pigmeos, los bosquimanos y los hotentotes) y otru d'orixe más reciente (que son los sudaneses y los bantúes).

Y equí yera onde yo quería aportar ¿qué implicaciones tien dicir d'un grupu étnicu, que pa más inri ta minorizáu y excluyíu, que ye prehestóricu? ¿Qué pue suponer na cabeza d'unos rapacinos que nun son a discurrir más allá de si poner pendiente porque lu trae Cristiano Ronaldo o non, que-yos digan qu'hai, anque solo seya una y non yá un "grupu étnicu" enteru, d'orixe prehestóricu? ¿Nun ye una forma más de discriminación y si acasu la peyor? Porque ye una manera de inculcar prexuicios a los guah.es faciendo que pasen desapercibíos. A min que me suena a perversa maquinación -por muncho que-y pese y porfíe dalgún académicu faltosu- eso de "l'home descubrió'l fueu" porque fai que nos nuesos maxines apaeza un señor con taparrabos -nunca, nunca, nunca una moza- garrando un tueru prendíu, qué imáxines horribles nun me provocará eso de clasificar les presones como prehestóriques/más recienes/blanques.

Patriarcalismu me dixeron que se llama eso ya en mio casa mírenme desesperaos cuando digo convencía a mitá la cena que nun hai derechu a estes coses, que la sociedá ye machista -ensin falta d'haber nomao a una muyer en tolos apuntes- y llueu suspiro y sigo masticando la cena que se me queda nel gañote tola nueche.

Dice mi dentista que tengo unas raíces (dentales, se entiende) preciosas.

Gracias. El páncreas no está mal tampoco. Los pulmones son también bonitos pero creo, por todo lo que me ahogo, que son algo pequeños. Las arterias y venas son una maravilla, tengo a mi médico de cabecera encantado: “tienes alto el colesterol bueno y bajo el malo” me dijo la última vez que fui a verlo. El corazón… bueno, el corazón está seminuevo: alguna vez lo usé pero sufrió algún rasguño y me dio miedo volver a sacarlo. De vez en cuando sufre alguna taquicardia pero es todo culpa de los ojos. ¡Esos sí que están pochos! No ven ni torta de lejos y de cerca... de cerca ya empiezan a fallar también. La garganta está igual: hecha un asco. Me duele casi siempre, sea cual sea la estación del año o el tiempo que haga fuera. El cerebro no está mal tampoco, eso sí cuando decide que quiere funcionar, porque el muy listillo se pasa largas temporadas de vacaciones y aquí me tengo yo que apañar sin su ayuda (claro que al final la gente lo acaba notando…). Gracias todo a unos buenos (o no tanto) genes.
El papel de embalar que lo recubre ya no está tan bien. Es lo que tiene aprovechar las ofertas de los chinos, que sí sale barato pero al final se nota…

Todo esto es lo que le podría haber contestado, y sin embargo solo me salió un escueto “gracias” y un murmullo en el que se mal entendía “¡será lo único!”.

Ya entós el Príncipe arrodiyóse y quixo calzar el zapatu de cristal nel pie de Cenicienta...


Ciegamente yo nun viera les ñaplones que tenía.
Taba munchu más prestosu cola ropa romería.
Yera'l tripe más de guapu cuando diba engalanáu.
Asina que-y voi dicir que'l zapatu ta apretáu.


Voi poner el orixinal por eso de volver a la fonte...


And Then the Prince Knelt Down and Tried to Put the Glass Slipper on Cinderella's Foot
(Judith Viorst)

I really didn't notice that he had a funny nose.
And he certainly looked better all dressed up in fancy clothes.
He's not nearly as attractive as he seemed the other night.
So I think I'll just pretend that this glass slipper feels too tight.

Güei taba engarrada con un testu sobre multiculturalismu y globalización que, magar que de primeres paeciera petecible, nun lo ye tanto cuando atopes dellos palabros polisílabos qu'a una romanista con non mucha (in)formación se-y escapen.

Taba la ventana abierta y anque nun entrare yá'l sol polos cristales, los ruíos d'una ciudá dormitoriu nuna tarde soleyera si qu'aportaben hasta mi. Dellos cancios de páxaros (nun soi a precisar cualos, la mio cultura ye urbana y malamente distingo una palomba d'un gurrión), el ruíu de los coches nuna carretera xeneral al otru llau del patiu lluces, la voz d'alguna vecina, con suerte alguna nota perdía d'alguna radio o televisión encesa o les campanaes de la ilesia non tan apartada como pudiere paecer.

Ya en mediu d'esti paisax típicamente "primaveral" taba, como dicía, lluchando contra la distraición a la que les teoríes polítiques del multicultarlismu m'arrastraben, cuando me vino'l petite de cocinar. Nun ye porque yo lo diga pero los mios brownies nun duraben dos asaltos na cocina de mio casa. Al menos nun duraben cuando sabía onde metiera la receta. Yo soi d'esa clas de persones que col envís de tenelo too organizao fae tarxetes y papelos que llueu piensen que van ordenar "sistemáticamente" o que tienen la intención de copiar en llibretes que nunca nun compren.

El casu ye qu'en mediu del mio rebuscar y siempres col multiculturalismu delantre (recálcolo pa ver si me convenzo de que teo d'acabar de lleelo) abrí un cuadernu que me regalare una amiga enantes de dir d'Erasmus y qu'uso como llibru de los tesoros porque a él van toos esos poemes que me paez debería conocer tol mundu. Cuandu lu fine unviarélu a cualquier editorial como antoloxía poética o traducirélu como lleí vai poco que fizo Xuan Bello con unu suyu que debía ser daqué paecío. Lo meyor desti cuadernu, siguiendo colo que tábemos, ye que tien un compartimientu secretu qu'enllené dalguna vegada con coses petecibles.

Atopé dientro, por exemplu, un dibuxu perguapu d'una princesa nomada Sapina, que nun ye a aparar de besar sapos hasta que nun atope al que ye un príncipe y cola que me sentí nel so día identificada. Atopé tamién un poema n'asturianu d'un profesor de llatín que tuvi na Universidá y que nun para de recordar lo difícil que foron otres dómines. Había otru dibuxu con un párrafu d'Alicia nel país de les Maravíes, onde la neña se cuestiona quién ye, quién foi y lo que va ser mañana. Tolos tres mandómelos per carta la mesma persona que me regalare'l cuadernu, intentando facer más especial el mio AÑU ERASMUS (asina, con mayúscules). Un par de poemes tamién n'asturianu recortaos del periódicu yeren recuerdos menores, porque otra de les ayalgues del mi compartimientu secretu yera un poema escritu a mano.

Pensaríase que yá solo pola claridá de la lletra y la so guapura diba poder ser un bixu incluso pa quien nun supiere lleer, pero non. Hai tovía daqué más. El poema, escritu nuna postal d'un requexu inglés y metíu nun sobre amariellu y elegante, fala de daqué paecío a una princesa. Una princesa lluchadora que gana a dragones y nun s'achanta nunca. Podríemos dicir que fala de too aquello que casi toes queremos ser y que casi ninguna consigue (¡yo incluyía!). Ta dirixíu a Wonderland (sic) a l'atención de una tal George de parte'l so hermanu Fred (que pue ser una de les coses que más m'emocionó al lleelo), y vien acompañáu d'una esplicación. Diz que diba ser un regalu de cumpleaños, pero que nun pudo llegar a tiempu por eses coses que nos fai a veces la vida. Casi qu'intenta pedir perdón por habelu escritu pensando en min, y fírmase con un Te quiero mucho. Podéis imaxinar, o non, la emoción al rellelu ya'l viaxe que fici, ensín moveme de la siella, a la primer vegada que lu tuvi nes manes: más de dos mil kilómetros nun segundu, tres años nun respiru,...

Pero parpadié. Torné a mio casa. Al mio cuartu. A los apuntes del multiculturalismu étnicu, qu'agora son un poco más dulces anque pámique los veo más empañaos. Y por si vos lo tabeis entrugando: non, la receta los brownies nun apaeció. Asina que ya teo escusa pa volver a buscala mañana, de xuru nel mesmu sitiu.

Yo, la verdá, siempre preferí los tulipanes...

"Una verdadera Margarita [niña menor de 11 años de la Sección Femenina] está siempre atareada: forra libros, los recoge cuando los hermanos los dejan rodando. Entretiene al más chico de sus hermanos, viste a la muñeca, borda el tapete, arregla el cuarto. Teje, cose... le entusiasma que la manden a un recado, porque no hay nda más bello que servir.
[Además] no hay que ser nunca una niña empachada de libros, no hay que ser una intelectual. De mayores, si hay que elegir una carrera, que sea una carrera de mujer: enfermera, puericultora o maestra."
El libro de las Margaritas.

Yá tengo proyectu de máster. (Queda facelu...)

Le monde

Las protagonistas femeninas de los cuentos infantiles plantan, por fin, cara a la tradición y se niegan a que se siga mostrando de ellas una imagen tan alejada de la realidad. Reunidas bajo la asociación “Cuentos Claros” han iniciado una huelga indefinida, con el objeto de que se revisen las historias que a su juicio “no se adaptan en absoluto a los tiempos”.

Los cuentos infantiles nunca más serán contados como lo han sido hasta ahora. Este es el propósito de la huelga convocada por la asociación “Cuentos Claros”, bajo la que se han reunido las prota-gonistas de los cuentos con los que millones de personas han crecido. Según la presidenta de esta asociación, Caperucita Roja, “la distorsión que se ha hecho de nuestra figura nos ha llevado a reivindicar un cambio propio del siglo xxi”. Para esta asociación, a lo largo de los siglos se ha ido manipulando la imagen de las mujeres protagonistas de una forma “inaceptable”, hecho por el cual han llegado a la huelga. Una huelga que dejará a muchos infantes sin los relatos más clásicos an-tes de irse a dormir.

La principal pretensión de este colectivo sería la de acabar con los estereotipos que les han ido asignando. “Que yo me tenga que pinchar siempre con el huso de una rueca no es nada divertido”, señala Belladurmiente, “me gustaría más pincharme con la punta de una flecha mientras practico con el arco”. No es está la única modificación que proponen: Gretel nos cuenta con gesto indignado que “agradecería de vez en cuando que le dieran un respiro” y que fuera su hermano, Hansel, quien limpiara la casa mientras a ella la engordaran para la cena.

Otra de las quejas que expresan y que supone uno de los principales motores de la huelga es la pasividad que les han impuesto a la hora de relatar las historias, motivo por el cual quieren dejar claro que son mujeres de acción. La propia Caperucita ha declarado que aunque siempre tiene que dejarse salvar por el cazador “de buena gana le rompería al lobo el tarro de miel en la cabeza, sin embargo me obligan a preguntarle una y otra vez por el tamaño de sus orejas y su boca.”

Reivindicaciones como estas parecen no tener precedente en la historia de las fábulas, sin embargo la propia presidenta de “Cuentos Claros” nos informa de que no es la primera vez que una acción como esta se lleva a cabo. “Nuestras mayores ya habían puesto en práctica medidas de presión con anterioridad para cambiar los cuentos, aunque solo consiguieron pequeños avances. Nuestras reivindicaciones actuales pretenden llegar mucho más allá”, ha afirmado la presidenta de la asociación. “Fueron estos actos de presión anteriores los que hicieron posible que, por ejemplo, Cenicienta huyera del baile a media noche y pudiera así acabar con el acoso al que el príncipe la sometía, o que Blanca nieves probara la manzana envenenada de su madrastra para poder escapar de las tareas domésticas que los enanitos le imponían. Aunque estos pequeños logros no parezcan importantes hoy en día, en su momento fueron grandes pasos en la vida de las protagonistas de cuentos. “Nuestras reivindicaciones actuales quieren ir mucho más allá, pero no olvidamos que los pasos dados por nuestras antecesoras han sido muy importantes para nosotras. Sin ellas, seguramente, la vida que ahora llevamos, sería aún peor”, asegura Caperucita Roja.

La huelga, cuyo inicio está previsto para las doce de la noche de hoy, tendrá una duración ilimitada, pues, según la presidenta de la asociación, “no estamos dispuestas ni a ceder un ápice en nuestras pretensiones”. El seguimiento que este parón espera obtener es alto y las consecuencias sociales impredecibles. ¿Cuánto aguantará la sociedad sin cuentos infantiles?

El máster está acabando con mis pocas neuronas

Como, según aprendí esti mes, la llingua materna nun esiste y naide fala una sola llingua al mesmu tiempo, güei pregunté-y a la mio profesora de francés:

Qu'est-ce que "à bras raccourcis" voul dire?

Añu nuevu

Col añu nuevu entamé un diario. Quería que fuere como'l de Bridget Jones, pero yo nun tengo a Mark Darcy (nin a un Hugh Grant cabronazu...).

Verídico

No que va de selmana:
- Vacié güevos crudos cola boca (soplando por un furaquín).
- Presencié la grabación d'un programa d' "Inocente, inocente" de A3.
- Tuve nes mios manes más de 1.600€ ente billetes y monedes (y tuve que lo contar).
- Vi a un elefante (que xuega al fúbol) tan de cerca que casi m'arrimo a tocalu.
- Monté nun "mini" (¡¡delante!!).
- Emocionéme al ver feliz a la xente que-y tocó la lotería (y eso que nun vi ni un duru).
- Grité dentro una clas enllena xente pa que me atendieren (¡coime, soi la profesora!).
- Pinté un güevu con témpera y pegé-y cresta, picu, pates y güeyos.
- Tuve baxo'l mesmu techu que dos futbolístes de la selección, dos cantantes, un árbitro internacional, un campeón del mundu de kárate...
- Tomé dos vasos de té moruno (dulce y calentino).

De xuru qu'escaecí daqué pero paezme que con eso yá fui feliz...

La verdá ye...

Cuando entamé esti blog fícelo col envís de tener un sitiu onde desfogame. Tener un diariu en papel ye más prestoso, pero ye un crime imperfeutu: siempre dexa rastru. Facelu nun archivu .doc tamién dexa buelga. La idea de dexalu colgáu nun puntu inexautu del ciberespacio paecióme romántico nun momentu dau: ¿qué posibilidaes había de que daquién diere col sitiu? ¿A cuántos naufragos salvaren porque la botella de so aportare a puertu? Pero como diz la canción "en las películas a los malos les pierde la boca..." y a mi piérdeme la mía. Y esto yá nun ye secretu dalu. Yá nun ye (tan) romántico. Ye un nome guapu desperdiciau, un refuxu albentestate.

Por embargu, güei quería contar daqué y nun sabía ónde. Escribo pa mi, facei'l favor. Nun busco aplausu, nin castigu.

Por estes coses que tien la vida, una atópase un buen día nun sitiu raru. Nun sabe mui bien cómo aportó ellí pero, por suerte (pienso agora), nun pue fuxir. El mio día entamó güei nunes xornaes sobre la familia na Facultá de Ciencies de la Educación. Había ponentes mui variaos, pero los que triunfaron foron unos represtantes de "Las comunidades de las Doce Tribus". Yo yera (soi) una inorante sol tema pero pudi sacar varies conclusiones: ellos, dixeron, proponen un nuevu orden social, tolerancia, sistemas educativos... Podríemos dicir que son "hippies": melenes perllargues (n'homes y muyeres), barbes, ropa "alternativa" y un estilu de vida retiráu, comiendo productos ecolóxicos (o cómo se diga)... Son d'esta xente que cuando les sientes falar apetezte enllenar una mochila con cuatro trapos, tres llibros y una llibreta y un boli, pa marchar a vivir lloñe.
Yo, que tengo'l defeutu del maxín, yá me taba viendo cultivando una güertuca y andando descalza fasta'l riu a por agua... Pero taba yo disfrutando de una sabrosa mazana maxinaria a la solombra dun castañu mientres lleía un llibrucu (que, por supuesto, tenia les tapes de cueru y pinta de vieyu) cuando'l mio futuru esvaneciose nel conxuru de cuatro pallabres: "No somos una secta". El final del cuentu de fades ye qu'ellos prediquen l'evanxeliu y viven como Cristo mandaba vivir. Nun me paez el peor de los males...
La cosa ye que, d'un tiempu a esta parte, vengo pensando en términos pergrandes (lleer tanta filosofía y teoría feminista ye lo que tien, que una va perdiendo a pocos la inocencia de pensar que les coses son blanques o negres). ¿Qué ye una secta? pensé en medio la ponencia... Ellos prediquen la verdá. La verdá de so. Pero la verdá nun esiste. Nun hai una Verdá. Y eso ye un problema. Dixeron ente otres coses que, por desgracia, el que tien el poder, la "doctrina correuta", persigue y aniquila siempre al que tien la "doctrina incorreuta". Tener el poder ye, a fin de cuentes, tener munchu mieu. Tener mieu de perdelu; matar, oprimir, castigar al otru. Alteridá nel sentíu que yo la toi entendiendo hasta agora. Nun ye lo que soi, ye lo que nun soi. Pero la "doctina correuta" nun pue servise de la represión y el maltratu, por mui diferente que seya de la que nosotros tenemos. Grita-y a daqué "¡¡¡secta!!!", como dicía el paisanu güei, ye volver milenta años patrás y gritar "¡¡¡bruxa!!!". Y, por embargu, soi la primera que fai xuicios de valor de too: esto ye asina, esto nun ye asina...
Pensamos que somos tolerantes pero... ¿el fechu de que yo espertara de la mio ensoñación a la invocación de la pallabra "secta", nun demuestra tolo contrario?

Herexía o qué atrevíos somos los inorantes

VALME ASINA

Si fuere Dios
y tuviere'l secretu
fadría
un ser claváu a ti,
tastiaríalu
(igual que faen los panaderos
cuando tastien el pan, ello ye:
cola boca),
y si esi sabor fuere
igual qu'el tuyu, vamos
el to mesmu golor, y el to xeitu
al sorrir,
y de callar la boca
y de garrar la mio mano fríamente,
y de besanos ensin mos mancar
-d'esto sí que toi sigura: pongo
tola mio atención cuando te beso-
entós,
si yo fuere Dios,
diba repetite y repetite
siempre'l mesmu y siempre distintu,
ensin cansar xamás del xuegu idénticu,
ensin dexar tampoco aquel que fuiste
pol que dibes ser dentro de nada,
yá nun sé si me desplico, pero quiero
esclariar que si yo fuere
Dios, fadría
tolo posible por ser C******* B****
pa querete tal como te quiero,
pa esperar con calma
a que te crees tu mesmu cada día,
a que sospriendas peles mañanes
la lluz recién nacida cola to propia
lluz, y cuerras
la cortina intocable que separta'l
mio sueñu de la vida,
resucitándome cola pallabra
Llázaru alegre,
yo,
moyada aína
de solombres y pereza,
sosprendía y perdía
na contemplación de too aquello
que, n'unión de min mesma,
recuperes y salves, mueves, dexes
abandonao cuando - llueu- calles...
(Escucho'l to silenciu.
Siento
costelaciones: esistes.
Creyo en ti.
Yes.
Válesme.)


Y que me perdone Ángel González

Hoy

Viajar en sueños adquiere nuevos significados si vas en un Alcotán.

Tesoros

Coleicionaba perendengues. Guárdabalos, alcuérdome, nuna caxuca de metal, deses qu'usen les güeles pa guardar les fotos vieyes. Una caxa redonda y amariella. Yera como un baúl de los tesoros qu'escondía ente la ropa de cama, ente les sábanes de collores y les mantes d'iviernu. Pa ella, creo, yera de verdá un tesoru.

La mayor allegría que-y podíemos dar yera aportar a so casa con cara pena y dici-y "Perdí un perendengue". Entos, tovía la toi viendo, iluminábense-y los güeyos y los sos llabios tornaben al encarnáu que tuvieren notra dómina (pamique de la emoción). Allargábemos les manes y enseñábemos-y l'hermanu sueltu. Ella, coles manes temblones, garrábalu con cuidáu y caminaba sele al armariu. Abríalu con dos vueltes de llave y, ente colches heredaes y sábanes bordaes, sacaba aquella caxina amariella. Entós, olvidaes yá del disgustu pola perda, siguíemosla hasta'l borde la cama y ellí sentábemonos con ella. Destapaba la caxina con dalguna dificultá faciéndonos contener l'alientu a la espera de ver el tesoro de collores brillantes qu'habia dientro. Ella, xustu nel momentu d'amosar el so tesoru, mirábanos nos güeyos y sorría. Y col so sorrisu apaecía ante nós el conteníu máxicu d'aquella caxa: les docenes y docenes de perendengues que recoyera durante media vida.

Delles veces contábanos l'hestoria de dalgunos d'aquellos bixos. Pero non de los que taben na caxina, porque eses hestores yeres sosones, dicía. Contábanos l'hestoria del xemelu perdíu, que tuviera n'Arxentina o viaxara a Marruecos, o que taba guardáu n'otra caxa bien distinta en casa de dalgún pretendiente namoriscáu en secretu.

Yo nunca creyí neses hestories. En mio casa toos dicíen que mio tía volviérase lloca porque morriera'l so prometíu y quedara sola. Pero yo sé que nunca nun tuvo lloca, que guardaba esos perendengues en recuerdu de toles persones que quedaren sin xemelos y sintiéranse soles pal restu so vida. Ella pensaba que así, guardaes toes xuntes les pareyes separaes, taríen menos soles.

Yo alcuérdome de munches d'eses hestories que contaba al destapar la caxa. Ya vos les contaré algún día. Cuando me traigais un perendengue sueltu. Porque, agora, la caxina heredéla yo.

¿Ónde taba la señal que nun fui a ver?

Una pregúntase ónde torció el camín. Cuál fue el pasu, esi primer pasu, que dio en tierres pantanoses. Una pregúntase como ye posible que nun se diera cuenta. Una mira patrás y nun atopa el sitiu onde tenía que haber torcío y siguió reuto o onde tocío y nun tenía qu'habelo fecho. Pero por más que mira y piensa y busca nun atopa seña nenguna nel camín que nun siguiera.

Una sabe que nun ye perfeuta. Nin mucho menos. Sabe que tien erros. Y gordos. Alcuérdase d'aquellos llibros que lleera de neña y que falaben de muyeres (siempre yeren muyeres) qu'intentaben correxir los sos defeutos. Ella intentólo. Dellos controlólos un poco: ya nun ye tan mandona, intenta nun ser tan caprichosa, procura ser una gotera más dulce... Nun ye fácil. Nun lo consigue siempre. Pero esfuérzase muncho.

Esfuérzase porque el so mayor mieu ye defraudar a los de so. Nella nunca tuvieren munches esperances (o eso ye lo qu'ella siente). Della siempre esperaron que llegare a ser mediocre. Que fuere responsable y que nun se descarriare muncho. Lluchó. Lluchó muncho. Sacó una carrera tolo meyor que foi capaz. Fizo delles coses de les qu'ella se siente orguyosa pero que-y paez que naide-y les valora xustamente.

Resulta-y bastante dificil llevantase de la cama dellos díes. Pero llevántase. Pon una sorrisa tolo grande que pue na cara y sube la persiana. Cuidar de so yá ye bastante dificil pero llucha. Que-y manden cuidar de los demás y que tenga que cargar con más responsabilidaes de les que-y gustaríen velo inda más difícil y más inxustos. Pero failo.

Y entós un día cansa. Ta yá fartuca de que nun la valoren. D'esforzase porque la respeten. De tener que cargar nes espaldes el so propiu pesu y el de los demás. Necesita un abrazu. Un aplausu. Daqué que la ayude a siguir. Pero nun hai nada. Nun hai amigos (bueno, sí, pero non tolos que a ella-y gustaría). Nun hai familia. Una ta sola. Y nun lo sabe. Nun lo sabe hasta el día que-y da por mirar al rodiu y ve frialdá onde esperaba ver sorrises.

Ye entós cuando piensa n'ónde foi'l sitiu en que taba la señal y nun la vio. Ónde se salió del camín. Nun ta disfrutando del paisax como fadríen otros por querer llegar al final curiosa. Pa salir guapa na foto finish, supongo. Pero por más que s'esfuerza en nun manchase, en siguir palante bien, sana y guapa, más s'empuerca, más s'embarra, más cae y cae y cae...