Coleicionaba perendengues. Guárdabalos, alcuérdome, nuna caxuca de metal, deses qu'usen les güeles pa guardar les fotos vieyes. Una caxa redonda y amariella. Yera como un baúl de los tesoros qu'escondía ente la ropa de cama, ente les sábanes de collores y les mantes d'iviernu. Pa ella, creo, yera de verdá un tesoru.
La mayor allegría que-y podíemos dar yera aportar a so casa con cara pena y dici-y "Perdí un perendengue". Entos, tovía la toi viendo, iluminábense-y los güeyos y los sos llabios tornaben al encarnáu que tuvieren notra dómina (pamique de la emoción). Allargábemos les manes y enseñábemos-y l'hermanu sueltu. Ella, coles manes temblones, garrábalu con cuidáu y caminaba sele al armariu. Abríalu con dos vueltes de llave y, ente colches heredaes y sábanes bordaes, sacaba aquella caxina amariella. Entós, olvidaes yá del disgustu pola perda, siguíemosla hasta'l borde la cama y ellí sentábemonos con ella. Destapaba la caxina con dalguna dificultá faciéndonos contener l'alientu a la espera de ver el tesoro de collores brillantes qu'habia dientro. Ella, xustu nel momentu d'amosar el so tesoru, mirábanos nos güeyos y sorría. Y col so sorrisu apaecía ante nós el conteníu máxicu d'aquella caxa: les docenes y docenes de perendengues que recoyera durante media vida.
Delles veces contábanos l'hestoria de dalgunos d'aquellos bixos. Pero non de los que taben na caxina, porque eses hestores yeres sosones, dicía. Contábanos l'hestoria del xemelu perdíu, que tuviera n'Arxentina o viaxara a Marruecos, o que taba guardáu n'otra caxa bien distinta en casa de dalgún pretendiente namoriscáu en secretu.
Yo nunca creyí neses hestories. En mio casa toos dicíen que mio tía volviérase lloca porque morriera'l so prometíu y quedara sola. Pero yo sé que nunca nun tuvo lloca, que guardaba esos perendengues en recuerdu de toles persones que quedaren sin xemelos y sintiéranse soles pal restu so vida. Ella pensaba que así, guardaes toes xuntes les pareyes separaes, taríen menos soles.
Yo alcuérdome de munches d'eses hestories que contaba al destapar la caxa. Ya vos les contaré algún día. Cuando me traigais un perendengue sueltu. Porque, agora, la caxina heredéla yo.
3 comentarios:
Facemos un tratu.
yo llévote la mi coleción de perendengues sueltos y tú pásesme el númeru del cirujanu esi.
con tarta de manzana y té, a lo americanu.
o con sidrina y castañes, a lo asturianu.
por cierto, qué tas con Kiss Fm?jjj
un besu.
jajaja, ok.
qué grande kiss fm! jajaj
me acuerdo una vez q lo taba escuchando un domingo por la noche y de repente me sorprenden con un:
"Buenos días, ya es lunes, comienza la semana y desde Kiss fm, te mandamos un mensaje de ánimo..."
supongo que después sonó Purple Rain o Tears in heaven...
qué sustu llevé!
anda, boba, que a ti te tocó ser grande por dentro y por fuera. ya me hubiera gustao a mí, pero se ve que como nací muuuchos meses después (jeje) ya no quedaba de todo.
es lo malo de nacer a fin de año, que te hacen con retales.
un besu
Publicar un comentario